[ad_1]



Views:
3
​ដោយៈ ទេ​ពក​ង្រី / កំពង់ឆ្នាំងៈ នៅក្នុង​ឱកាស​បើក​កិច្ចប្រជុំ បូកសរុប​លទ្ធផល​ការងារ របស់​ចលនា​យុវជន​កម្ពុជា ក ១៥៧ ខេត្តកំពង់ឆ្នាំង និង​លើក​ទិសដៅ​ការងារ ឆ្នាំ ២០២២ នៅ​ល្ងាច​ថ្ងៃទី​២៥ ខែធ្នូ ឆ្នាំ​២០២១ លោក កែវ សុវណ្ណារ៉ា ប្រធានកិត្តិយស សមាគម​ចលនា​យុវជន​កម្ពុជា ក​១៥៧ សាខា​ខេត្តកំពង់ឆ្នាំង បាន​ថ្លែងថាៈ ក្រុម ចលនា​យុវជន​កម្ពុជា ក ១៥៧ គឺជា​អ្នកធ្វើការងារ​មនុស្សធម៌ ជួយ​រួមចំណែក​ជាមួយ ប្រមុខ​រាជរដ្ឋាភិបាល និង​អាជ្ញាធរ​មូលដ្ឋាន ដើម្បី​ជួយ​ប្រជាពលរដ្ឋ នៅ​គ្រប់​កាលៈ ទេសៈ ដែល​ពួកគាត់​មានទុក្ខ​លំបាក និង​រងគ្រោះ​ក្នុង​មហន្តរាយ​នានា​។​
​ដូច្នេះ​ដើម្បី​រក្សាបាន​នូវ​កេរ្តិ៍ឈ្មោះ និង​កិត្តិយស​ដ៏​ល្អ​របស់​ក្រុម​ចលនា​យុវជន ក ១៥៧ ដែល​លោក​បណ្ឌិត ហ៊ុន ម៉ា​ណែ​ត ជា​ប្រធានកិត្តិយស និង​ជា​អ្នកបង្កើត ក្រុម​ចលនា យុវជន​កម្ពុជា ក ១៥៧ នេះ​ឡើង​នោះ សមាជិក សមាជិកា និង​ថ្នាក់ដឹកនាំ គ្រប់​សាខា ក្រុង ស្រុក ត្រូវបង្កើត​សាមគ្គីភាព​ផ្ទៃក្នុង គោរព​ឲ្យ​បាន​នូវ​លក្ខន្តិកៈ​របស់ ក្រុម​ចលនា យុវជន​កម្ពុជា ក ១៥ ៧ ដើម្បី​ឲ្យ​ប្រជាពលរដ្ឋ មាន​ទំនុកចិត្ត មាន​ជំនឿ​ជឿជាក់ ដើម្បី​ចូលរួម​គ្រប់​សកម្មភាព មនុស្សធម៌​របស់ ក្រុម​ចលនា​យុវជន​កម្ពុជា ក​១៥៧ ។​
​លោក កែវ សុវណ្ណារ៉ា បាន​បន្តថាៈ ប្រធាន និង​អនុប្រធាន​ប្រតិបត្តិ គ្រប់​សាខា​ក្រុង ស្រុក ត្រូវ​បង្កើន​សកម្មភាព ជ្រើសរើស​សមាជិក​ថ្មី ដែលមាន​ធនធាន​ល្អ និង​រក្សាទុក សមាជិក​ចាស់ ដែល​សកម្ម​ក្នុង​ការងារ ។​
​ទន្ទឹមនឹង​នេះដែរ ត្រូវខិតខំ​ស្វែងរក​ប្រភព​ហិរញ្ញវត្ថុ ដើម្បី​ចូលរួម ក្នុង​ការងារ​មនុស្សធម៌ របស់​ក្រុម​ចលនា​យុវជន​កម្ពុជា ក ១៥៧ សម្រាប់​ឆ្លើយតប ទាន់ពេលវេលា ក្នុង​ការចុះ ជួយ​ប្រជាពលរដ្ឋ គ្រប់​មូលដ្ឋាន ដែល​ជួប​ការលំបាក និង​ជួប​គ្រោះថ្នាក់​ផ្សេងៗ ។​
​ទិសដៅ នៅ​ដើមឆ្នាំ​២០២២ យើង​នឹង​សំណូមពរ លោក​អភិបាល នៃ​គណៈ​អភិបាល ខេត្ត ស្នើសុំ​ឲ្យ​មន្ត្រីរាជការ អាជ្ញាធរ និង​កងកម្លាំង​ប្រ ដាប់​អាវុធ តាម​ក្រុង ស្រុក ចូលរួម​គ្រប់​សកម្មភាព​របស់​ក្រុម​ចលនា​យុវជន​កម្ពុជា ក ១៥៧ ដើម្បី​រួមគ្នា ក្នុង​ការជួយ​ដោះស្រាយ និង​ឆ្លើយតប​ជាបន្ទាន់ ដល់​ប្រជាពលរដ្ឋ​ដែល​ជួប​ការលំបាក នៅក្នុង​ឧប្បត្តិហេតុ​ផ្សេងៗ ។​
​នៅក្នុង​ពិធី​នេះដែរ លោក គូ ដា​រា ប្រធាន​ប្រតិបត្តិ​ចលនា​យុវជន​កម្ពុជា ក​១៥៧ សាខា​ខេត្តកំពង់ឆ្នាំង បាន​មានប្រសាសន៍ថាៈ ចលនា​យុវជន​កម្ពុជា ក ១៥៧ ត្រូវបាន​លោក​បណ្ឌិត ហ៊ុន ម៉ា​ណែ​ត បាន​បង្កើតឡើង នៅ​ថ្ងៃទី​១៥ ខែកក្កដា ឆ្មាំ​២០០៨ ក្នុងពេល​ក្រុម​ទាហាន​ឈុតខ្មៅ​របស់​ថៃ ចូល​រំលោភ​កាន់កាប់ ប្រាសាទព្រះវិហារ ។
​ក្នុងឱកាស​នោះដែរ ក្រុម​ចលនា​កម្ពុជា ក ១៥៧ ក៏មាន​ភារកិច្ច​ចូលរួម​យ៉ាងសកម្ម គ្រប់​ការងារ ក្នុងសង្គម ដើម្បី​ឆ្លើយតប​ជាមួយ​កងទ័ព នៅ​សមរភូមិ​មុខ ។ ដោយឡែក ក្រុម​ចលនា​យុវជន ក ១៥៧ សាខា​ខេត្តកំពង់ឆ្នាំង ត្រូវបាន​លោក ម៉ឹង ពន្លក ប្រធាន​ប្រតិបត្តិ ចលនា​យុវជន​កម្ពុជា ក​១៥៧ បង្កើតឡើង នៅ​ថ្ងៃទី​៣០ ខែមករា ឆ្នាំ​២០២១ ។
​នៅក្នុង​សកម្មភាព​ការងារ រយៈពេល​ជិត​មួយឆ្នាំ​នេះ ក្នុង​បរិបទ​ប្រទេស មាន​វិបត្តិ​ជំងឺ កូ​វីដ​១៩ ក្រុម​ចលនា​យុវជន ក ១៥៧ ខេត្តកំពង់ឆ្នាំង​និង​សាខា​ក្រុង ស្រុក ក៏បាន ចូលរួម​យ៉ាងសកម្ម ក្នុង​ការងារ​មនុស្សធម៌​ទូទៅ និង​ការងារ​សង្គម នៅ​គ្រប់​មូលដ្ឋាន​។
​ក្នុងឱកាស​នោះ ក៏មាន​ការជួយ​ផ្ដល់​អំណោយ ដែលមាន​ស្បៀងអាហារ ម៉ាស អាកុល និង​សម្ភារៈ​នានា ជូន​ដល់​ចាស់ជរា ស្ត្រី​មេម៉ាយ​មានកូន​ច្រើន កុមារ​ពិការ ជនពិការ ដែលមាន​ការលំបាក ខ្វះខាត​ជីវភាព និង​ប្រជាពលរដ្ឋ ដែល​រងគ្រោះ​ដោយ​អគ្គិភ័យ នៅ​គ្រប់​ក្រុង ស្រុក ចំនួន ១៥ លើក ដោយបាន​ចំណាយ​ថវិកា សរុប​ចំនួន ២១ លាន និង ៥០០ ដុល្លារ ។​
​ជាមួយនេះដែរ ក៏បាន​ជួយ​ស្ដារ​ប្រឡាយ ជូន​ប្រជាពលរដ្ឋ បាន​ប្រវែង ១.៥០០ ម៉ែត្រ ជួយ​ជួសជុល​ផ្លូវ បាន​ប្រវែង ១៥០ ម៉ែត្រ នៅក្នុង​ស្រុក​កំពង់ត្រឡាច ជួយ​ជួស ជុល និង​រៀបចំ​មណ្ឌល​ច​ត្តា​ឡី​ស័ក ជូន​ប្រជាពលរដ្ឋ ដើម្បី​មាន​កន្លែង​សម្រាក​ព្យាបាល ជំងឺ​កូ​វីដ​១៩ បាន​សមរម្យ ។
​ដោយឡែក ថ្នាក់ដឹកនាំ​កណ្តាល និង​សាខា​ខេត្ត​ក្រុង ស្រុក កន្លងមក ក៏បាន​ជួយ ឧបត្ថម្ភ​ថវិកា ដល់​សមាជិក សមាជិកា របស់​ក្រុម​ចលនា​យុវជន​កម្ពុជា ក ១៥៧ ដែលមាន​ក្រុមគ្រួសារ មានទុក្ខ​លំបាក ឬ​ឈឺ​ស្លាប់ ជាដើម​ផងដែរ ។​
​សូមបញ្ជាក់ថា នៅ​ចុងបញ្ចប់​កម្មវិធី​ប្រជុំ​បូកសរុប​ការងារ​នេះ ក្រុម​ចលនា​យុវជន កម្ពុជា ក​១៥៧ សាខា​ខេត្តកំពង់ឆ្នាំង ក៏បាន​រៀបចំ​ពិធី​ហូបបាយ​សាមគ្គី ជាមួយគ្នា យ៉ាង​សប្បាយរីករាយ បង្កើន​ចំណង​សាមគ្គី​ភាពរឹងមាំ ដើម្បី​រួមគ្នា​ធ្វើ​ការងារ ឲ្យ​មាន ប្រសិទ្ធភាព​ខ្ពស់ ៕/V​



Post navigation

[ad_2]

Source link