Views:
14
​ដោយ :​ប​.​ជ័យ / បន្ទាយមានជ័យ​: ពលករ​ខ្មែរ​៧​នាក់ បម្រុង​លួច​ឆ្លងដែន​ទៅ​ប្រទេស​ថៃ​ដើម្បី​រក​ការងារ​ធ្វើ ត្រូវ​នគរបាល​ការពារ​ព្រំដែន​លេខ​៨០៧ ឃាត់ខ្លួន នេះ​បើតាម​លោក​វរសេនីយ៍ ឡុង សំណាង មេ​បញ្ជ​ការ​នគរបាល​ការពារ​ព្រំដែន​គោក​លេខ​៨០៧ ឲ្យ​ដឹង​កាលពី​ថ្ងៃទី​២៤​ខែធ្នូ​ឆ្នាំ​២០២១​។​
​លោក​វរសេនីយ៍ឯក ឡុង សំណាង បាន​បន្តថា​: ថ្ងៃទី ២៣ ខែ ធ្នូ ឆ្នាំ ២០២១ វេលា​ម៉ោង ០០ និង ១២ នាទី​រំលង​អាធា​ត្រ​ចូល​ថ្ងៃទី​២៤​ខែធ្នូ កម្លាំង​ប៉ុស្តិ៍នគរបាល​ការពារ​ព្រំដែន​អូ​សាយ របស់​វរ​សេនា​តូច​លេខ​៨០៧ ដឹកនាំ​ដោយ លោក​វរសេនីយ៍ទោ ញាន ឡាញ់ មេបញ្ជាការរង​ទទួល​ទិស​ប៉ុស្តិ៍​អូ​សាយ សហការ​ជាមួយ កម្លាំងយោធា​សឹក​រង​ស្រុក​ថ្មពួក​បាន​ចុះ​ល្បាត ត្រួតពិនិត្យ នៅ​បន្ទាត់​ព្រំដែន កម្ពុជា​~​ថៃ ក្នុងភូមិ​សាស្ត្រ រហូតមកដល់​ត្រង់ ចំណុច​គោលដៅ​ស្តៅ​១០០ រួច​ហើយក៏​ប្រទះឃើញ និង ឃាត់ខ្លួន ទប់ស្កាត់​ពលករ​បម្រុង​លួច​ឆ្លងដែន​ទៅ​ប្រទេស​ថៃ​សរុប​ចំនួន ០៧​នាក់​/ ស្រី​០៣​នាក់​និង​កុមារី​ចំនួន​០១​នាក់ ស្ថិតក្នុង​ភូមិសាស្ត្រ ភូមិ បន្ទាយ​មាន​រិ​ទ្ឋ ឃុំ​គោក​មៀត ស្រុក ថ្មពួក ខេត្ត បន្ទាយមានជ័យ​។
​បន្ទាប់មក កម្លាំង​ប៉ុស្តិ៍​អូរ​សាយ ក៏បាន​រៀបចំ​បញ្ជូន​ព​លករ​ទាំងអស់ ទៅ​ឲ្យ​ប៉ុស្តិ៍នគរបាល​រដ្ឋបាល​ឃុំ​គោក​រមៀត របស់​អធិការដ្ឋាន​នគរបាល​ស្រុក​ថ្មពួក ដើម្បី​ធ្វើការ​សាកសួរ និង​អនុវត្តន៍​ទៅតាម​នីតិវិធី​៕​



Post navigation



Source link